safarnama….

Shaayad jeewan ka naam hi safar hai….! Safar kabhi na … khatam hone wala safar.. Mai ek bade se sheher mei gum hokar apne ko dhundne wala insaan hu. Mai roz local train me safar karta hu… Aur roz hi inn sabhi se milta hu.. Aissa lagta hai ki yeh bhi mera intezaar kar rahe ho. Lekin shaayad hum dono ek dusre ke liye hai…. Jeevan bhi kuch aise hi chalta hai… Hum kisi ke hokar yaa kisi ko apna banaa kar hi poore hote hai. Yeh local train ab mere jeevan ki tarah hai jaise jeevan me hum apne comfort ki talaash karte hai vaise hi, mai local mein apne comfort ko talaashta hu, kabhi yaha bethta hu toh kisi dinn kisi aur jagah… har jagah se ek rishta saa bann gaya hai, aur zindagi mein bhi humaare saath aisa hi hota hai ki kuch rishte saath toh hote hai magar hum unn rishto ke saath nahi ho paate…….